Uniporme Ni:Mark Joseph G. Caneo

 

 

Tuwing suot kita ramdam ko ang saya

Brilyante mong ganda aking kitang kita

Tingin nitong madla ako’y dalubhasa

Dignidad ay dala saan man magpunta

 

Matamis na bunga taglay mo tuwina

Pagod na tamasa damang dama mo na

Daig ang artista kapag suot kita

Tingkad mong dala ‘di maikumpara

 

Bakit mo sisirain taglay mong ningning

Kung ika’y salamin kung saan nanggaling

Mantsa’y tatanggalin ‘di pakakapitin

Sira’y aayusin punit tatahiin

 

Lubusang mahalin unipormeng angkin

Imaheng tumabing dapat tangkalikin

Tumpak laging gawin mabuti’y isipin

Tiyak ‘tong mithiin lalapit sa piling

Susi sa Kinabukasan (Tula tungkol sa edukasyon)

                                             Kaalamang taglay kailangang tunay
                                             Sandatang dapat taglayin ninunman
                                              Dahil gamit natin sa pang araw-araw
                                             Na matatagpuan sa edukasyon lang
       
                                              Edukasyong hanap nasa eskwelahan
                                              Tinuturong ganap ng gurong mahusay
                                               Sa mag-aaral sa iba't ibang lugar
                                              Taglay ang araling mahalagang tunay

                                              Makamit ito ay walang kasing saya
                                              Sapagkat dala ay magandang simula
                                              Simula sa isang magandang biyaya
                                              Dala ay tagumpay maging dalubhasa
                                            
                                              Kahit mahirap babatain tunay
                                              Makamit lamang ang tamang kaalaman
                                              Na magiginng daan sa ating tagumpay
                                               Dahil ito'y susi sa magiging buhay
                        
                                               Natutunan natin gamitin sa tama
                                             Upang ang tadhanang nakatakday saya
                                              Kaalamang taglay ito ang panangga
                                               Sa buhay natin na puro na problema
                                            

Gabay Tungo sa Magandang Landas ( Tula tungkol sa mga magulang)

                                              Mula pagkasilang hanggang magkamalay 

                                               Sila'y naririyan laging kaagapay

                                               Nagsisilbing tulay sa ating paglakbay

                                               Tungo sa mainam na yugto ng buhay

                                                         

                                              Silang naging modelo sa magandang gawi

                                              Sila na nagturo ng tama at mali

                                              Sila ang dapat na maipagmalaki

                                              Nating mga anak na kanilang kinandili

                                                         

                                              Sila'y naging gabay sa magandang  landas

                                              Nagturo sa atin nitong daang dapat

                                               Kung saan tatahak tungo sa liwanag

                                               Na bigay sa atin ay mabuting bukas

                       

                                               Ito ang salita nitong ama't ina

                                               Ikaw aking anak magpakatatag ka

                                               Piliin mo anak itong daang tama

                                               Na dala ay isang buhay na masagana

                                              Mga anak naman salamat ang bigay

                                              Sa magulang nilang naghirap ng tunay

                                              Sa pagpapalaki sa tamang paraan

                                              Na nagbigay kulay sa kanilang buhay